Ἐκ
τοῦ κατὰ Μάρκον
Κεφ.
1: 9-15
Ἐν ταῖς ἡμέραις
ἐκείναις, ἦλθεν ὁ ᾿Ιησοῦς ἀπὸ Ναζαρὲτ τῆς Γαλιλαίας, καὶ ἐβαπτίσθη ὑπὸ ᾿Ιωάννου
εἰς τὸν ᾿Ιορδάνην. Καὶ εὐθέως ἀναβαίνων ἀπὸ τοῦ ὕδατος, εἶδε σχιζομένους τοὺς
οὐρανοὺς καὶ τὸ Πνεῦμα ὡς περιστερὰν, καταβαῖνον ἐπ᾿ αὐτόν· Καὶ φωνὴ ἐγένετο ἐκ
τῶν οὐρανῶν· Σὺ εἶ ὁ Υἱός μου ὁ ἀγαπητός, ἐν ᾧ εὐδόκησα. Καὶ εὐθέως τὸ Πνεῦμα
αὐτὸν ἐκβάλλει εἰς τὴν ἔρημον. Καὶ ἦν ἐκεῖ ἐν τῇ ἐρήμῳ ἡμέρας τεσσαράκοντα
πειραζόμενος ὑπὸ τοῦ Σατανᾶ, καὶ ἦν μετὰ τῶν θηρίων· καὶ οἱ Ἄγγελοι διηκόνουν
αὐτῷ. Μετὰ δὲ τὸ παραδοθῆναι τόν ᾿Ιωάννην, ἦλθεν ὁ ᾿Ιησοῦς εἰς τὴν Γαλιλαίαν,
κηρύσσων τὸ Εὐαγγέλιον τῆς βασιλείας τοῦ Θεοῦ, καὶ λέγων· Ὅτι πεπλήρωται ὁ
καιρὸς, καὶ ἤγγικεν ἡ βασιλεία τοῦ Θεοῦ· μετανοεῖτε καὶ πιστεύετε ἐν τῷ
Εὐαγγελίῳ.
Δεν υπάρχουν σχόλια:
Δημοσίευση σχολίου